Målsetjing med dette samarbeidet er å etablere eit solid nettverk for erfaringsutveksling, auke kompetansen mellom dei som arbeider i desse einingane, særleg med tanke på nettverksbygging og nye tilbod. Etablere eit interkommunalt samarbeid om tilbod til personar med utviklingshemming for å styrke tenestetilbodet.
 
I 2007 starta nettverket opp med første kursrekke. Kursrekka hadde ingen utdanningskrav, var på 7 kursdagar og med vegleiing mellom kvar kursdag. Tema i 2007 var: 1. Psykisk utviklingshemming, 2. Helse - Ulike diagnoser, 3. Likemannsarbeid / erfaringar frå ein brukarorganisasjon, 4. Innføring i miljøarbeid, 5. Lov om sosiale tenester kap. 4A, 6. Aldring og demens hjå menneske med utviklingshemming, sorg og sorgarbeid

I 2008 blei det haldt eit todagars kurs i TMA (terapeutisk meistring av aggresjon) og eit kurs i aldring og demens hjå personar med utviklingshemming.

I 2009 blei det arrangert ei kursrekke på 3 kursdagar for personar med 3 årig høgskuleutdanning. Tema i 2009 var: 1. Miljøterapeuten si rolle, 2. Sjølvbestemmelse, 3. Motivasjon og arbeidsglede

I 2010 blei det haldt ei kursrekke på 4 dagar for alle som jobbar i tenesta for personar med utviklingshemming. Tema 2010 var:1. Lov om sosiale tenester kap. 4A, 2. Haldningar, etikk, brukarmedverknad, 3. Avtalestyring, 4. Sosiale historier.
   
Alle kursdagar vert arrangert på Kjelsund ungdomssenter i Herøy kommune. Dei fleste kommunene kjem seg hit innan ein halvtime medan Vannylven har litt lenger reisetid. Nettverket dekker kostnadene til leige av kurslokale og betaling til eksterne forelesarar. I desse kursrekkene har det vore nytta eksterne forelesarar frå ulike fagmiljø i landet, representantar frå fylkesmannen, representantar frå likemannsarbeid, representantar frå Høgskulen i Molde, habiliteringstenesta i Molde, i tillegg til fagpersonar i kommunene og Helse sunnmøre.

I 2007 tok nettverket initiativ til dialog med høgskulen i Molde for å sette i gang ei desentralisert deltidsstudium i vernepleie sør i fylket. Dette blei positivt mottatt og i 2008 starta dette opp i høgskulen i Volda. Ein er pr i dag i dialog for å vurdere å starte opp eit nytt kull i 2012.

Det har vore drøfta å arrangere ein brukarkonferanse men tidspunkt for dette er ikkje fastsett. Vidare har det vore drøfta ulike tiltak for nettverksbygging for personar med utviklingshemming i desse kommunene. Bård Dalen har i samarbeid med Hødd il (Ulstein) vore pådrivarar for oppstart av  fotballaget Hødd United. Spelarane kjem frå fleire av desse kommunane.

Frå før eksisterar det møtepunkt for personar med utviklingshemming i desse kommunane som t.d. ein årleg idrettsdag (Monsiaden), fritidsklubb i Herøy kommune og kulturkveldar i Sande kommune.

For mer informasjon om netverket kontakt:
Baard.dalen@sande-mr.kommune.no
Eli.Brandal@helse-sunnmore.no
 
 
 
Teksten er skrevet av Eli S. Brandal